ច្បាប់វិនិយោគ

១. នីតិវិនិយោគ គឺមកពីពាក្យ នីតិ​ + វិនិយោគ

            នីតិអាចឲ្យនិយមន័យតាមទិដ្ឋភាពពីរ គឺតាមន័យ វត្ថុវិស័យ គឺជាសំណុំវិធានគតិយុតិ្តសំដៅគ្រប់​គ្រង​ទំនាក់​​ទំនងសង្គម និងដាក់ទណ្ឌកម្មដោយអាជ្ញាធរសាធារណៈ ក្នុងន័យនេះ នីតិស្ថិតក្នុងន័យ​ចង្អៀតដែល​សំដៅ​ទៅ​លើ ព្រះរាជក្រឹត្យ អនុក្រឹត្យ ប្រកាស និងបទបញ្ជាផ្សេងៗ និងតាមន័យអត្តវិស័យ​សំដៅដល់បុព្វសិទ្ធិ​ទាំង​ឡាយ​របស់បុគ្គលដែលបានផ្តល់ជាប្រយោជន៍ដល់បុគ្គលនោះ នូវអំណាចចាត់​ចែងវត្ថុ​ ឬរបស់មានតម្លៃដែល​ជា​កម្មសិទ្ធិរបស់ខ្លួន និងអាចតម្រូវឲ្យបុគ្គលមួយចំនួនបំពេញតាវកាលិក​ចំពោះខ្លួន ។ ចំណែកឯពាក្យសេដ្ឋកិច្ច សំដៅ​​រាល់លទ្ធកម្មនៃទ្រព្យមូលធនដើម្បីប្រមូល ឬប្រើប្រាស់​ចំណូលពីទ្រព្យមូលធននោះ ។ វិនិយោគ គឺជា​ស្វែង​រកផលចំណេញ​ ដែលទាមទារនូវដើមទុនច្រើន និងត្រូវមានផែនការមួយច្បាស់លាស់ ។ 

និយាយរួម នីតិវិនិយោគ គឺជា បណ្តុំនៃវិធានច្បាប់​​​ (ឬជាវិធានគតិយុត្តិ) ដែលគ្រប់​គ្រង​វិស័យ​វិនិយោគ ។

២. ចំណាត់ថ្នាក់នៃការវិនិយោគ

ក. វិនិយោគសំដៅការផលិតត និងវិនិយោគមិនសំដៅការផលិត

            សំដៅការផលិតៈ បង្កើតរោងចក្រ សហគ្រាស ... ។

            មិនសំដៅការផលិតៈ កសាងស្ពានថ្នល់ សាលារៀន ... ។

ខ.​វិនិយោគពិត និងវិនិយោគអរូបីយ៍

            ជាវិនិយោគ បើកម្មវត្ថុនៃវិនិយោគអាចត្រូវបានមើលឃើញ (ជារូបវន្ត ឬរូបីយ) ដូចជាបង្កើតរោងចក្រ​ស្ពានថ្នល់ សហគ្រាស ... ។

            ជាវិនិយោគអរូបីយ បើកម្មវត្ថុនៃវិនិយោគមិនអាចត្រូវបានមើលឃើញ ដូចជា វិនិយោគលើការស្រាវជ្រាវ ឬវិនិយោគលើមូលធនមនុស្ស (ការអប់រំ ការបណ្តុះបណ្តាល ឬចំណាយលើការថែទាំសុខភាព ... ។

គ. វិនិយោគឯកជន និងវិនិយោគសាធារណៈ

            ឯកជន សម្រាប់វិនិយោគលើវិស័យឯកជន ដូចជា បង្កើតរោងចក្រ សហគ្រាស ... ។

            សាធារណៈ សម្រាប់វិនិយោគលើវិស័យសាធារណៈ ដូចជា កសាងស្ពានថ្នល់ សាលារៀន មន្ទីរពេទ្យរដ្ឋ​សួនច្បារសាធារណៈ ។

ឃ.​វិនិយោគផ្ទាល់ និងវិនិយោគមិនផ្ទាល់

            ផ្ទាល់ ពីព្រោះអ្នកវិនិយោគ ចូលរួមធ្វើដោយផ្ទាល់ ដូចជា បង្កើតរោងចក្រ សហគ្រាស ... ផ្ទាល់ខ្លួន (ធ្វើ​ក្នុង​នាម និងផលប្រយោជន៍ផ្ទាល់ខ្លួន) ។

            មិនផ្ទាល់ ពីព្រោះវិនិយោគិនផ្តល់តែមូលធន ប៉ុន្តែពុំបានចូលរួមធ្វើផ្ទាល់ឡើយ ពោលគឺតាមរយៈអ្នក​តំណាង (អណត្តិ) ឧទាហរណ៍ ការទិញមូលប័ត្រ (ភាគហ៊ុន) ។

ង. វិនិយោគក្នុងស្រុក និងវិនិយោគពីបរទេស

            ក្នុងស្រុក ពីព្រោះមូលធន និងវិនិយោគិន ចេញមកពីទីដែលវិនិយោគបានធ្វើនោះ ។ ឧ.​ការបង្កើតរោង​ចក្រ សហគ្រាស ... នៅកម្ពុជា ដោយអ្នកវិនិយោគិនខ្មែរ ។

            ក្រៅស្រុក ពីព្រោះមូលធន និងវិនិយោគិន គឺចេញមកពីបរទេស ។ ឧ. វិនិយោគិនជប៉ុនមកធ្វើវិនិយោគ​នៅកម្ពុជា ។

ច. វិនិយោគរយៈពេលវែង និងរយៈពេលខ្លី

            វែង បើការរំពឹងផលចំណេញនោះ ក្នុងរយៈពេលមួយវែងឆ្ងាយ (លើសពី ៣ឆ្នាំ) ។

            ខ្លី បើផលចំណេញនោះ រំពឹងទុកក្នុងរយៈពេលមួយខ្លី (ក្រោម ៣ឆ្នាំ) ។

៣. គម្រោងវិនិយោគដែលមានលក្ខណៈសម្បត្តិគ្រប់គ្រាន់ ជាគម្រោងវិនិយោគដែលបានទទួលវិញ្ញាបនប័ត្រចុះ​បញ្ជីស្ថាពរ ។

            គម្រោងវិនិយោគមានលក្ខណៈសម្បត្តិគ្រប់គ្រាន់បម្រើឲ្យការនាំចេញ មានន័យ ជាគម្រោងវិនិយោគមាន​លក្ខណៈសម្បត្តិគ្រប់គ្រាន់ដែលផលិតផលរបស់គម្រាងត្រូវបាននាំចេញ ដែលនឹងកំណត់ដោយអនុក្រឹត្យ ។

            គម្រោងវិនិយោគមានលក្ខណៈសម្បត្តិគ្រប់គ្រាន់ដែលជាប្រភេទឧស្សាហកម្មគាំទ្រ មានន័យថា គម្រោង​វិនិយោគមានលក្ខណៈសម្បត្តិគ្រប់គ្រាន់ដែលផលិតផលរបស់ខ្លួន ១០០% ត្រូវផ្គត់ផ្គង់ដល់ឧស្សាហកម្មនាំចេញ​ជំនួសវត្ថុធាតុដើម ឬសម្ភារៈបន្ទាប់បន្សំដែលតែងតែនាំចូល ។

៤. ភារកិច្ចរបស់ក្រុមប្រឹក្សាអភិវឌ្ឍកម្ពុជា មានភារកិច្ចដូចតទៅ៖

-           ជាសេនាធិការ និងជា ច្រកចេញចូលតែមួយ របស់រាជរដ្ឋាភិបាល ក្នុងកិច្ចការនីតិសម្បទា និងអភិវឌ្ឍន៍ និងការវិនិយោគសាធារណៈ ការវិនិយោគឯកជន និងការបង្កើត និងការគ្រប់គ្រង តំបន់សេដ្ឋកិច្ចពិសេស ។

-           រៀបចំទស្សនាទាន និងយុទ្ធសាស្រ្តអភិវឌ្ឍ សម្រាប់កម្ពុជាដោយសហការជាមួយបណ្តាស្ថាប័នពាក់ព័ន្ធ

-           ទាក់ទងជាមួយប្រទេស អង្គកាជាតិ អន្តរជាតិ រៀបចំយុទ្ធសាស្រ្តសេដ្ឋកិច្ច អភិវឌ្ឍជាតិ ប្រើប្រាស់ហិរញ្ញ​ប្បទានសហប្រតិបត្តិការឲ្យមានប្រសិទ្ធភាព តាមសេចកី្តត្រុវការ អទិភាពរបស់ប្រទេសជាតិ ដោយ​ប្រកាន់តួនាទីជាម្ចាស់ សម្រេចលទ្ធផលជូនប្រទេសជាតិ ។

-           សម្របសម្រួលការងាររវាងក្រសួង និងស្ថាប័ននានា ដែលមានការពាក់ព័ន្ធជាមួយនឹងប្រទេស និងអង្គ​ការអន្តរជាតិ អ្នកផ្តល់ហិរញ្ញប្បទានសហប្រតិបត្តិការ ព្រមទាំងជាមួយអ្នកវិនិយោគ ។

-           តម្រង់ទិសក្នុងការបែងចែក និងក្នុងការប្រើប្រាស់ធនធានសាធារណៈ និងធនធានឯកជន ក្នុងកិច្ចការ​អភិវឌ្ឍកម្ពុជា

-           បង្កលក្ខណៈងាយស្រួល និងសម្រួលកិច្ចការដល់ដៃគូអភិវឌ្ឍ និងដល់អ្នកវិនិយោគ​

-           ពិនិត្យ និងសម្រេចរាល់កិច្ចការនីតិសម្បទា និងអភិវឌ្ឍ និងការវិនិយោគសាធារណៈ ការវិនិយោគ​ឯក​ជន​និងការបង្កើត និងការគ្រប់គ្រងតំបន់សេដ្ឋកិច្ចពិសេស ។

៥. ការចុះបញ្ជីជាស្ថាពរ ពីរដ្ឋ ត្រូវបំពេញលក្ខខណ្ឌដែលច្បាប់បានកំណត់

ក.​រៀបចំគម្រោងនៃសកម្មភាពវិនិយោគដែលត្រូវស្នើសុំ

            ធ្វើការស្នើសុំពីរដ្ឋតាមរយៈការដាក់ជូននូវគម្រោងសកម្មភាពមួយច្បាស់លាស់ ដើម្បីឲ្យរដ្ឋអាចពិនិត្យ ពិច័យបានថា សកម្មភាពហ្នឹងអាចទៅរួច ឬមិនរួច ប៉ះពាល់ ឬមិនប៉ះពាល់ដល់កម្ពុជាផ្ទាល់ដែរឬទេ ? អាជ្ញាធរ អាច​នឹងសម្រេចយល់ព្រម ឬបដិសេធនៅលើទឹកដីរបស់រដ្ឋខ្លួន ។ បើយល់ព្រមអាជ្ញាធរនឹងចេញ វិញ្ញាបនប័ត្រចុះ​បញ្ជី​ស្ថាពរ ដើម្បីបញ្ជាក់ ។ ពេលទទួលបានហើយ គម្រោងវិនិយោគ នឹងកា្លយទៅជា QIP ហើយ ។

ខ.​អាជ្ញាធរមានសមត្ថកិច្ចក្នុងការចុះបញ្ជីវិនិយោគ

            ក្រុមប្រឹក្សាអភិវឌ្ឍកម្ពុជា

            អនុគណៈកម្មការវិនិយោគខេត្តក្រុង

            រដ្ឋបាលតំបន់សេដ្ឋកិច្ចពិសេស 

៩. សម្បទានដីជាសិទ្ធិស្របច្បាប់ដែលបានចែងក្នុងឯកសារគតិយុត្តិចេញដោយអាជ្ញាធរមានសមត្ថកិច្ចតាម​អំណាចឆន្ទានុសិទ្ធិឲ្យរូបវន្តបុគ្គល ឬនីតិបុគ្គល ឬក្រុមមនុស្សដើម្បីកាន់កាប់ដី និងប្រើប្រាស់សិទ្ធិលើដីនោះ​តាមការកំណត់នៃច្បាប់ ។ សម្បទានដីសង្គមកិច្ច គឺជាការផ្តល់ដីឲ្យ​គ្រួសារក្រីក្រ មិនមែនឲ្យបុគ្គលឯកជនទេ ។ ដីសម្បទានសេដ្ឋកិច្ច គឺជាផ្តល់ដីដោយត្រូវបង់កម្រៃ 

ដើម្បីទទួលបាននូវសិទ្ធិសម្បទាន ។

១០. សេរីភាពនៃការធ្វើវិនិយោគ

-សំដៅ ច្បាប់ព្រះរាជាណាចក្រកម្ពុជាទទួលស្គាល់ចំពោះគ្រប់បុគ្គលទាំងឡាយនូវសេរីភាព

ពេញលេញ ក្នុងការសម្រេចចិត្ត ធ្វើ ឬមិនធ្វើសកម្មភាពវិនិយោគនៅកម្ពុជា ។ រដ្ឋនឹងមិនធ្វើ

ការគាបសង្កត់ បង្ខិតបង្ខំតាមគ្រប់រូបភាព ដើម្បីកំណត់ឲ្យបុគ្គល​ណាម្នាក់ធ្វើវិនិយោគឡើយ

កាលបើបុគ្គលរូបនោះមិនចង់​អនុវត្តសកម្មភាពវិនិយោគនៅកម្ពុជានោះទេ ។

-សំដៅ បើបុគ្គលរូបណាម្នាក់បានសម្រេចចិត្តថានឹងធ្វើវិនិយោគនៅកម្ពុជាហើយនោះ ច្បាប់នៃព្រះ

រាជាណាច​ក្រកម្ពុជា ទទួលស្គាល់ផងដែរនូវសេរីភាពក្នុងការជ្រើសរើសវិស័យ និងប្រភេទនៃសកម្ម

ភាពវិនិយោគដែល​បុគ្គលនោះប្រាថ្នាធ្វើ ព្រមទាំងអនុវត្តសកម្មភាពវិនិយោគនោះដោយគ្មានការ

លូកដៃរំខានពីសំណាក់អាជ្ញាធរ​រដ្ឋឡើយ ។